Contacto
Oficina de Turismo de Xiunqueira de Espadanedo
Eugenia: 988 315 684
656 473 338
Contacto
Oficina de Turismo de Xiunqueira de Espadanedo
Eugenia: 988 315 684
656 473 338
Descrición rápida
Sábado Longo, festa de interese etnográfico con orixes ancestrais que sucede na noite do Sábado
Santo ó Domingo de Resurreccións.
Lugar
Concello de Xunqueira de Espadanedo
Día
Sábado 8 y domingo 9 de abril
Programa:
Sábado 08.04.2023
21:00 Cocido popular (15€)
23:00 Concerto “ La Patrulla”
01:00 Saída para buscar ós carros
Adobío de carros
Chocolate con bica
Domingo 09.04.2023
12:00 Exposición de carros no Sagrado
12:15 Banda de gaitas “Os Xuncos”
Historia e tradición del Sábado #SabadoLongo
Diferentes tradicións nos falan de que tras a Coresma, 40 días de contención, os mozos dos pobos
daban renda solta ao desenfreo a noite do Sábado de Paixón. A noite do sábado ao domingo era
aproveitada polos mozos para a esmorga, por elo estas horas de madrugada recibía moitos nomes
distintos pero todos vinculados a festa e ás trasnadas; en Xunqueira de Espadanedo schamabase
Sábado Longo (unha noite longa é unha noite de esmorga, polo tanto Sábado Longo é unha noite de
troula e desenfreo) en Niñodaguia segundo Tonino Álvarez Silvares era a Noite das Argalladas e en
Ombreiro (Lugo), segundo Manuel Romay López, os mozos «facían todas as trasnadas que podían, e
que os maiores aceptaban coma propias do día. Era frecuente que os apeiros de labranza e incluso os
animais, desapareceran do seu lugar habitual. O día no que o linguaxe relixiosos era o Sábado de
Gloria, no lúdico, a noite se convertía na “Noite das trangalladas”»
Pero parece que non só en Galicia o Sábado de Paixón era utilizado polos mozos do pobo para facer
das súas; en Murcia durante a noite do sábado ao domingo se agrupaban en dous bandos, solteiros e
casados, elixindo cada bando un “Alcalde” que tivera xurisdición sobre cada un dos dous bandos. «Pola
mañá cando os veciños comezan a chegar a praza encóntrana tomada, debendo pagar un canon ós
Alcaldes, que durante a mañá exercen o seu mandato. Os Alcaldes electos realizan numerosas bromas
a costa dos veciños e recadan diñeiro, que se destina a cubrir os gastos da festa»
Con estes exemplos comprobamos que a nosa antiga tradición do #SabadoLongo ten similitudes con
outras festas que se celebraban o Sábado de Paixón/Gloria tanto no Concello, coma en Galicia e
mesmo máis aló do Padornelo, co galo de festexar o fin da Coresma e mesmo a promesa dunha
próxima primavera.
O Sábado Longo diferenciase das outras celebracións en que segue vivo, tal vez non se desenvolva da
mesma maneira, xa non son só mozos os que fan falcatruadas: os carros son traídos ó Sagrado do
mosteiro de Santa María de Xunqueira de Espadanedo por distintas persoas do pobo sendo hoxe unha
festa na que participamos todos/as os veciños/as e visitantes do Concello.
O domingo pola mañá o Sagrado do Mosteiro aparece engalanado para a ocasión, os vellos carros
adobiados con flores de tempada (verzas, grelos) e a modo de corredor, lévannos do profano ó sagrado,
mentres veciños/as e visitantes desfrutan da festa ó son da banda de gaitas “Os Xuncos” (Asociación
cultural que mantén a tradición viva)
As tradicións, coma os seres vivos, cambian, adáptanse ós tempos e as circunstancias e iso é o que as
mantén vivas, o cambio!
Enlaces a vídeo
