CAMPAÑA DE PREVENCIÓN DE INCENDIOS FORESTAIS: INFORMACIÓN SOBRE DISTANCIAS E XESTIÓN DA BIOMASA
D. RUBÉN QUINTAS RODRÍGUEZ, ALCALDE-PRESIDENTE DO CONCELLO DE MACEDA (OURENSE),
FAGO SABER QUE:
En aplicación da Lei 3/2007 da Xunta de Galicia de prevención e defensa contra incendios forestais, comunícase a obriga dos particulares (persoas titulares do dereito de aproveitamento sobre terreos forestais en terreos situados en zonas de influencia forestal), de xestionar a biomasa vexetal nunha franxa de 50 metros perimetral ao solo urbano, de núcleo rural e urbanizable delimitado, así como ao redor de edificacións, vivendas illadas e urbanizacións, depósitos de lixo, parques e instalacións insdustriais localizadas a menos de 400 metros do monte de acordo cos criterios de xestión da biomasa estipulados na presente lei e na súa normativa de desenvolvemento (artigo 21). Ademáis nos primeiros 50 metros non poderá haber as especies sinaladas na disposición adicional terceira desta lei, é dicir: piñeiro galego, piñeiro silvestre, piñeiro de Monterrei, piñeiro de Oregón, mimosa, acacia negra, eucalipto, brecina, carqueixa, xesta, queiruga, fento, silva e toxo.
Nas fincas que limiten coas estradas, os propietarios deben manter limpa unha franxa de 4 m ou 6 metros medidos dende a arista exterior da cuneta, en función de si na finca teñen plantados frondosas ou piñeiros e/ou eucaliptos.
A LIMPEZA TOTAL DA MALEZA DEBE FACERSE ANTES DO 31 DE MAIO DE 2021 IMPRORROGLABEMENTE.
No suposto de incumprimento das obrigas por parte das persoas responsables, os entes locais poderán notificarlles a súa obriga de xestión de bionmasa vexetal, advertíndolles da posibilidade de execución subsidiaria no caso de incumprimento e sen prexuízo da instrucción do procedemento sancionador que corresponda e da aplicación das multas coercitivas, se é o caso, segundo o procedemento establecido no artigo 22 da mencionada lei de incendios.
Para máis información poden contactar co DISTRITO XII Maceda 988788743.
